Vaksinimi kundër ethes tifoide

Me këtë vaksinë rekomandohet të vaksinohen vetëm ata të cilët udhëtojnë në vëndet me rrezik të lartë.

Zonat e rrezikut: është regjistrua pothuajse në çdo vëndë të botës, gjasa më të mëdha kanë vëndet me higjienë të ulët. Zonat me rrezik më të lartë përfshinë: Afrikën, Amerikën Qendrore, India, Lindja e Mesme, Amerika Jugore, Azia Juglindore. Pra nëse ju do ta vizitoni një nga vëndet e lartcekura patjetër duhet të vaksinoheni.

Llojet vaksinës: në Britaninë e Madhe në dispozicion janë dy lloje të kësaj vaksine: Vaksina Vi aplikohet si e vetme dhe vaksina Ty21a. Mund të përdoret dhe si e kombinuar me vaksinën kundër Hepatitit A kjo vaksinë e kombinuar  zakonisht aplikohet tek moshat 15-16 vjeç e rrallë në moshat më të vjetra. Lloj i vaksinës Vi është me efikase se vaksina Ty21a por as kjo nuk mbron 100%, shumica e personave kërkojnë që të vaksinohen me Ty21a pasi kjo nuk aplikohet me injeksion për dallim nga Vi që aplikohet me injeksion. Ty21a nuk preferohet të aplikohet tek personat me imunitet të dobësuar, HIV, nën 6 vjet, Vi vaksina mund të aplikohet në fëmijët nga 2 vjeç e tutje. Vaksina Vi mbron personin për 3 vite, pas 3 viteve nevojitet doza rikujtuese, ndërsa vaksina Ty21a mbron për 1 vit, pas 1 viti nevojitet doza rikujtuese. Është ideal që kjo vaksinë të aplikohet 1 muaj para udhëtimit, por mund të aplikohet edhe pak para datës së udhëtimit.

Efektet anësore: janë pothuajse të ngjashme me vaksinat e tjera si dhembje në vëndin e injektimit, skuqje, edem etj. 1 nga 100 të vaksinuar ka një temperaturë mbi 38 shkallë celsius. Efekte më pak të zakonshme përfshijnë :

·        Dhembje barku

·        Diarre

·        Dhembje koke

·        Ndjenjën e të sëmurit

Reagimet e rënda janë shumë të rralla.